Кифла Елка (намирници) :: Домато.mk :: Онлајн гурмански маркет за добра храна и фино живеење

Теа Трповска

Кифла Елка (намирници)

565 ден.

Празнична Кифла Елка едноставни состојки и лесна за подготовка, а сепак одлична декорација за празничната трпеза.

Состојки

500 грама брашно
1 лажица сол
2 мали лажички шеќер
1/2 коцка свеж квасец
300 мл топло млеко
125 мл маслиново масло (можете да го нарачате одделно тука)

За зачинет путер:

40 грама путер на собна температура
2 лажици свеж магдонос, ситно сечкан
2 лажици рузмарин, ситно сечкан
сол и мелен бибер
Сите состојки измешајте ги.

За декорација:

Рендан пармезан, магдонос и бобинки.

Подготвка:

Сите состојки ставете ги во длабок сад и замесете меко тесто. Месете 10 минути и покријте го со крпа за да нарасне до 2 часа на собна температура. Од тестото формирајте мали топчиња со еднаква големина. Редете ги во форма на елка на тавче за печење обложено со хартија за печење. Покријте ја елката со крпа и оставете 1 час да нарасне тестото. По 1 час, намачкајте со изматено јајце или млеко и печете во рерна загреана на 180 Целзиусови степени, 25 минути, односно во зависност од вашата рерна. Кога ќе биде испечена елката, премачкајте ја со ароматичниот путер.